संजय गुप्ता // वीरगञ्ज, जेठ १२//
सशस्त्र प्रहरीले पर्साका विभिन्न ठाउँमा गरि करिब १० लाख ८४ हजार ८४ हजार बराबरको अवैध मालसामान बरामद गरेको छ ।
विशेष अभियान अन्तर्गत सशस्त्र प्रहरीले अवैध रुपमा भन्सारछली गरेर निकासी तथा पैठारी गर्न लागिएका किराना समान, मदिरा, मोबाईल पार्ट्स, मोटर पार्ट्स, फलफूल तथा २ थान मोटरसाइकल लगायतका सामग्रीहरु गरि सो परिमाण बराबरको अवैध सामग्री वीरगञ्ज भन्सार कार्यालयलाई बुझाएको छ ।
पछिल्ला दिनहरुमा सशस्त्र प्रहरी पर्साले अवैध रूपमा भारतबाट भित्रीने गरेका मालसामान पक्राउ गर्न सकृयता बढाएको जस्तो देखिएपनी ग्रामीण नाकाहरुको माध्यम बाट तस्करी भैरहेको सर्वसाधारणको आरोप रहेको छ । आफ्नो घरायसी प्रायोजनका लागि ल्याईने अत्यावश्यकिय बस्तु खोसेर प्रहरीले सर्वसाधारणलाई अनावश्यक दु:ख दिइरहेको तथा तस्करहरुलाई रकमी चलखेलका आधारमा रोकटोक नगरेको ग्रामीण भेगका सर्वसाधारणहरुको गुनासो रहेको छ ।
