संजय गुप्ता// वीरगञ्ज, असार ०२//
गोरखाको धार्चे गाउँपालिकामा आईटी फोकल शिक्षकहरुको क्षमता विकास सम्बन्धि ३ दिने तालीम आज सोमबारदेखि सुरु भएको छ ।
धार्चे गाउपालिका शिक्षा, यूवा तथा खेलकुद शाखा द्वारा स्थनिय होटल हिल्ट्पमा आयोजित तालिमको गाउँपालिकाकि उपाध्यक्ष सुनिला गुरुङले आज बिहान १० बजे मउदघाट्न गरेकि छन ।
पालिकाका प्रमुख प्रशासकीय अधिकृत काजिमान सुनारको अध्यक्षतामा सप्पन्न उदघाट्न सत्रमा शिक्षा शाखा प्रमुख पुष्पराज जोशी लगायत सरोकारवालाहरुको सहभागिता रहेको थियो भने कार्यक्रम सञ्चालन पालिकाका प्राविधिक सहायक श्याम कुमार मण्डलले गरेका छन् ।
स्थानीय पालिकाका १९ जना आईटी फोकल शिक्षकहरुको सहभागिता रहेको ३ दिने तालिममा सहजकर्ता डा. रबिन्द्र कडेलले सहजीकरण गर्ने जनाइएको छ ।
यस तालिमले सहभागी शिक्षकहरुको शिक्षण सिपमा आधुनिक सूचना तथा सञ्चार प्रविधिको अधिकतम उपयोग गर्नमा सहयोग पुग्ने विश्वास गरिएको छ ।
