मनोज गुप्ता // वीरगञ्ज, भाद्र २३//
बाघको आक्रमण बाट हिजो आइतबार बाराको सिमरामा १ जनको मृत्यु भएको छ ।
आईतवार विहान प्रगतिशील सामुदायिक वन क्षेत्रमा च्याउ टिप्न गएका बारा जितपुर सिमरा उप-महानगरपालिका-१ का छेवाङ्ग लामालाई बाघले आक्रमण गरि ज्यान लिएको हो ।
घाँस काट्न सो क्षेत्रमा गएका स्थानीयहरुले लामाको शव छतविछत अवस्थामा देखेपछि प्रहरीलाई खबर गरेका थिए । भने प्रहरी तत्काल घट्नास्थल पुगेर शवलाई प्रादेशिक अस्पताल कलैयामा पोष्टमार्टमका लागि पठाएको बारा प्रहरीले जनाएको छ ।
केही दिन पहिले पनि बाघको आक्रमण बाट बाराको अमलेखगञ्ज क्षेत्रमा ३ जनाले ज्यन गुमाएका थिए । पच्छिलो समय यस क्षेत्रमा बाघ आक्रमणको घट्नाले सर्वसाधारण त्रसित बनेका छन । साथै यी घटनाहरुलाई मध्यनजर गर्दै सरोकारवालाहरु बाघ नियन्त्रणमा अग्रसरता देखाएका छन् ।
बाघ नियन्त्रणका लागि पर्सा राष्ट्रिय निकुञ्ज, डिभिजन बन बारा, राष्ट्रिय प्रकृति संरक्षण कोष तथा जैविक विविधता संरक्षण केन्द्र, नेपाली सेना, नेपाल प्रहरी लगायतका सरोकारवालाहरुले निगरानि बढाएको जनाईएको छ ।
