वीरगञ्ज, कार्तिक १०
बैंक, लघुवित तथा सहकारी संस्थाका सँचालकहरुको दलालीका कारण देश आर्थिक सँकटमा फसेको एक कार्यक्रमका वक्ताहरुले आरोप लगाएका छन् । बैंक सञ्चालकहरु देशकै ठूलो दलाल भएको र सरकार अझै पनि यस विषयमा गम्भीर नभए कडा आन्दोलन गर्ने चेतावनी समेत उनीहरुले दिएका छन् ।
साथै सो समूहले बैंक, लघुवित तथा सहकारी संस्थाहरुको विरोधमा चेतावनी स्वरुप आज शुक्रवार विरगञ्जमा विरोध जुलुस प्रदर्शन समेत गरेकोे छ । राष्ट्र, राष्ट्रियता धर्म, सँस्कृति र मानव बचाउँ महाअभियान बारा नेपालको आयोजनामा निस्केको विरोध जुलुसले नगर परिक्रमा गरी घण्टाघरमा कोणसभामा परिणत भएको थियो ।
कोणसभालाई सम्बोधन गर्ने क्रममा अधिकाँश बक्ताहरुले ठूलठूला नेता एवम् वर्तमान तथा पूर्व उच्च पदस्थ कर्मचारीहरु द्धारा नै सबै बैंक तथा वितीय सँस्थाहरु सञ्चालन भई जनताको ढाड सेक्नेगरी आफूखुशी ब्याज असुली गरेको कारण आज देशको अर्थतन्त्र धारासायी भएको आरोप लगाएका छन् । मिटरव्याजको नाममा सरकारले सामाजिक सौहार्दता विगाडी बैंक सञ्चालकहरुको स्वार्थ पुर्ति गर्ने खेल खेलिरहेकोले अब सर्वसाधारण जनता यसको विरोधमा लाग्नुपर्ने आवश्यक्ता रहेको समेत उनीहरुको ठम्याई छ ।
