रन्जित पाण्डेय, बारा, कार्तिक १२
बाराको प्रर्सौनी मठका महन्त जयलाल गिरी बाबाको १६औं दिनको भण्डारामा नेपाल र भारतका करिब २०० भन्दा बढी सन्त महात्माहरुको उपस्थिती रहेको छ ।
बाराको प्रर्सौनी गाउँपालिका वडा नं. ४ स्थित चण्डीमाइ मठका महन्त जयलाल गिरी बाबा ब्रम्हलिन भएको १६ औं दिनको अवसरमा शनिवार मठको प्राँगणमा भएको भण्डारामा छिमेकी भुलुक भारत सहित नेपालका विभिन्न मठ मन्दिरका करिब २०० भन्दा बढि सन्तहरुको सहभागिता रहेको भण्डारा आयोजक समितीका अगुवा बालक गिरी नागा बाबाले बताएका छन् ।
भण्डारा कार्यक्रममा सम्पुर्ण सन्तहरुको सहभागितामा ३ दिनसम्म पूजापाठ एवम पकडी प्रकृया पूरा गरी नयाँ महन्त घोषणा गर्ने कार्यक्रम रहेको भण्डारा व्यवस्थापन सकितीका अध्यक्ष प्रेमलाल गुप्ताले बताएका छन् ।
