मनोज गुप्ता// वीरगञ्ज, असार ०१//
मधेस सरकारले आगामी आर्थिक वर्ष २०८२/८३ का लागि करिब ४६ अर्बको बजेट ल्याउने भएको छ ।
आज आइतबार अपराह्न ४ बजे अर्थमन्त्री सुनिल यादवले बजेट प्रस्तुत गर्ने कार्यक्रम रहेकोे छ ।
सङ्घीय सरकारले मधेस सरकारका लागि लगभग ६ अर्ब जति समपुरक रकम दिने सुनिश्चित गरेपछि प्रदेशको बजेटको आकार बढेको हो । अगामी आर्थिक वर्षको बजेट चालु आर्थिक वर्षको बजेटको तुलनामा करिब तीन अर्बले बढ्ने देखिएको छ ।
गत जेठ २३ सार्वजनिक गरेको नीति तथा कार्यक्रमकै जगमा बजेट ल्याउने प्रदेश सरकारले दाबी गरेको छ ।
