मनोज गुप्ता// वीरगञ्ज, भाद्र १९//
सूचीकरण नभएका सामाजिक सञ्जाललाई निष्क्रिय पार्न नेपाल दूरसञ्चार प्राधिकरणलाई निर्देशन दिएको छ ।
सरकारले सूचीकरणका लागि दिएको एक साताको समयावधि हिजो बुधबार सकिएसँगै आज बिहीबार सञ्चार तथा सूचना प्रविधिमन्त्री पृथ्वीसुब्बा गुरुङको नेतृत्वमा बसेको बैठकले नेपालमा सूचीकरण नभएका सामाजिक सञ्जालहरुलाई बन्द गर्ने निर्णय गरेको हो ।
मन्त्रीस्तरमा भएको निर्णयलगत्तै मन्त्रालयले सूचीकरण नभएका सामाजिक सञ्जाललाई निष्क्रिय बनाउन प्राधिकरणलाई आजै निर्देशन समेत दिएको छ ।
प्राधिकरणले सूचीकरण नभएका फेसबूक लगायतका सामाजिक सञ्जाल बन्द भएपछि नेपालमा सूचीकरण भएका सामाजिक सञ्जालहरु टिकटक, भाइबर, विटक, निम्बज र पोपो लाइभ लगायतका चल्नेछन् भनि जानकारी प्राप्त भएको छ । यता निरन्तर रूपमा सञ्चालन हुने उदेश्यले टेलिग्राम र ग्लोबल डायरीले पनि सञ्चार मन्त्रालयमा बिधिवत रूपमा सूचीकरणका लागि आवेदन बुझाइसकेका छन् ।
