राजू चौरसिया वीरगञ्ज, असोज ३०

६८ औं प्रहरी दिवसको अवसरमा मंगलवार विभिन्न कार्यक्रम गरी पर्सा र बारामा मनाईएको छ ।

जिल्ला प्रहरी कार्यालय पर्साको प्रांगणमा पर्साका प्रहरी प्रमुख प्रहरी उपरिक्षक कोमल शाहको सभापतित्वमा सम्पन्न कार्यक्रमका प्रमुख अतिथि पर्साका प्रमुख जिल्ला अधिकारी हिरालाल रेग्मीले अमर प्रहरीका परिवारहरुलाई दोसल्ला ओढाएर सम्मान गर्नुभयो । साथै प्रमुख अतिथी रेग्मीले उत्कृष्ट कार्य गरेका नेपाल प्रहरीका कर्मचारीहरुलाई पुरस्कृत समेत गर्नुभयो । कार्यक्रममा आफनो मन्तव्य राख्दै प्रमुख अतिथी रेग्मीले समाजमा शान्ति सुव्यवस्था कायम गर्न प्रहरी सँग समुदायले सहकार्य गर्नुपर्ने कुरामा समेत जोड दिदै प्रहरी सँग सहकार्य गर्ने विभिन्न संघसंस्थाका प्रतिनिधीहरुलाई प्रशशापत्र पनि प्रदान गर्नुभयो ।

उता ६८ औं प्रहरी दिवसको अवसरमा जिल्ला प्रहरी कार्यालय बाराले पनि भव्य कार्यक्रम सम्पन्न गरेको छ । जिल्ला प्रहरी कार्यालय बाराको प्रांगणमा सम्पन्न कार्यक्रममा प्रहरीहरुबाट विभिन्न रचनात्मक प्रस्तुतीका साथै उत्कृष्ट प्रहरी कर्मचारीहरुलाई सम्मान गरि प्रोत्साहन गरिएको छ ।

वीरगंज, मंसीर ३०

बडा दशैँको तेस्रो दिन मंगलवार माता चन्द्रघण्टाको पूजा गरी मनाईदै छ ।बडा दशैमा नवदिन सम्म माता दुर्गाको नव वटा रुपमा पूजा गर्ने परम्परा अनुरूप आज चन्द्रघण्टा देवीको पूजा हुँदैछ ।मंगलवार तेस्रो दिन पनि नवरात्री व्रत बसेका श्रद्धालु भक्तजन हरु
कलश स्थापना गरेका स्थान हरुमा विधि पूर्वक माताको अनुष्ठान एवम पूजापाठ भैरहेको जानकारी प्राप्त भएको छ।

अखिलेश कुमार यादव // बारा मंसिर ३० –  नेपालीहरूको महान चाड दशैं आए पनि यस बर्ष बारा जील्लाक बजारमा चहलपहल खासै नरहेक भेटिएको छ । अघिल्ला वर्षहरूमा यस समयमा बाराका शहर बजारमा दशैंको चहलपलह बढेको हुन्थ्यो । बजारमा किनमेल गर्नेहरूको भीड लागेको हुन्थ्यो । व्यापार व्यवसायीहरूले त झन् यो सिजनमा असाध्यै ब्यस्त हुन्थ्ये । फुटपाथका व्यापारीहरूदेखि सपिङ महलसम्म मानिसहरूको चहलपहल देखेर दशैंको रौनक छाएको देखिन्थ्यो ।

तर अहिले देशको आर्थिक स्थिति सुधार न आए पाची अघिल्ला वर्षहरू जस्तो शहर बजारमा दशैंको चहलपहल छैन । कोरोनाका कारण लामो समयसम्म ठप्प रहेको व्यापार व्यवसाय सञ्चालनमा आए पनि व्यापार भने खासै हुन सकेको छैन पहिला दशैं भन्दा पहिला देखि न बजारमा चहलपहल आउने गर्थ्यो तर यसपाली ब्यवापार नै संकटमा रहेको व्यवसायीहरु बताउछन ।

प्रायजसो दशैंको सिजनमा धेरै राम्रो व्यापार हुने गरेको भए पनि अहिले त्यस्तो हुन नसक्दा व्यापारीहरू निराश छन् । यो समय ग्राहकको अत्याधिक भीडभाड हुने बाराका प्रमुख व्यापारिक क्षेत्र जीतपुर सदरमुकाम कलैया, परवानीपुर,सिम्रौनगढ़ बरियारपुर,गंजभवानीपुर लगाएतका स्थानका फुटपाथदेखि सपिङ सेन्टरसम्म अहिले दशैं आउन लागेको कुनै आभास छैन । दशैं आए पनि अहिले देशको आर्थिक स्थिति बिग्रिदैं गए पछि सर्वसाधारण पनि उतिकै मारमा परेका छन् ।दशैं आयो एक सिको पैसा छैन घरमा नाति नातिनी आउछ टिका लगाउनु पर्छ पैसा दिनु पर्छ तर पैसा नै न भएको बेला कहा बाट दिने भनेर अहिले सर्वसाधारणहरु चिन्तित बनेका छन् ।

देशको आर्थिक स्थिति अहिले कमजोर भएको र बैंकले समेत लगानी गर्न छोडेकोले गत बर्ष भन्दा यस बर्ष बजारमा चहलपहल न देखिएको नगर उधोग बाणिज्य संघका अध्यक्ष मोहन शर्मा लामिछानेले बताए । दशैँ तिहारको बेला बाराको कलैया जीतपुर,सिमरौनगढ़ लगायतका ठाउँमा अन्यत्रभन्दा धेरै भिडभाड देखिन्छ । तर यसपालि यस्तो भिडभाड विगतको तुलनामा ५० प्रतिशत पनि छैन । जीतपुरका गल्लीमा अहिले पनि केही चहलपहल छ । तर विगतमा पाइला राख्ने ठाउँ नहुने गल्ली अहिले सहजै पार गर्न सकिन्छ ।

वीरगञ्ज, असोज २८
वडा दशैं २०८० को पहिलोे दिन आज आईतवार देश तथा विदेशमा रहेका हिन्दु धर्मावलम्बीहरुले घर घरमा जमरा राखेका छन् भने बारा, पर्सा, रौतहट तथा छिमेकी मुलुक भारतको ग्रामिण भेगहरुमा गाउँ तथा बस्तीपिच्छै नवरात्रीको लागि कलश यात्रा निकालिएको छ ।
बस्ती पिच्छै धुमधामका साथ मनाइने गरिएको नवरात्री ब्रतका लागि कुमारी कन्या तथा व्रतालुहरुले आ आफ्नो पायकपर्ने नदी वा जलाशयमा गई जलभरेर ल्याई सो पवित्र जल लाई देवीको पूजामा अर्पण गरिने परम्परा अनुरुप आज पर्साको प्रसिद्ध गहवामाई मन्दिर, रानीघाट दुर्गा पूजा समिती, पर्साकै ऐतिहासिक विन्दवासनीमाई मन्दिर, विरगञ्ज स्थित राधेमाई मन्दिर, सिमावर्ती भारतीय शहर रक्सौल स्थित मनसामाई मन्दिर लगायत पर्सा तथा बाराका ग्रामिण वस्तीहरुमा समेत बाजा गाँजा, घोडा हाती लगायतका विभिन्न सवारीहरुको समेत प्रयोग गरी भक्तजनहरुबाट भव्यरुपमा कलशयात्रा निकालिएको छ ।
आईतवार देखि विधिवत रुपमा सुरुभएको बडा दशैंको पहिलो दिन घटस्थापनाको अवसरमा घरघरमा शुभ साईत जुराएर जमरा राखिएको छ ।घटस्थापना गर्दा पूजा वा दशैंघरमा वैदिक विधिपूर्वक दिप, कलश र गणेशको स्थापना गरी विधिपूर्वक नवदुर्गाको पूजाअर्चनागर्ने प्रचलन रहेको छ । दशैंको पहिलो दिन घटस्थापना गरी माता शैलपुत्रीको पुजाआजा गरिनुका साथै जमरा राख्ने कार्य विधिपुर्वक सम्पन्न भएको छ । जमरा विशेषगरी जौ को राख्ने चलन रहे पनि आजकल गहुँ र मकै मिसाएर पनि जमरा राख्ने प्रचलन बढेको देखिँदै छ ।
साथै वडादशैंको पहिलो दिन आज बारा, पर्सा, रौतहट लगायत तराईका विभिन्न शक्तिपिठहरुमा भक्तजनहरुको व्यापक भिड लागेको छ । आज विहानै देखि बाराको बरियारपुर स्थित विश्व प्रसिद्ध गढीमाई मन्दिर प्राँगण, विरगञ्जको प्रसिद्ध गहवामाई मन्दिर, ऐतिहासिक विन्दवासनीमाई मन्दिर, राधेमाई मन्दिर, कालीमाई मन्दिर, पर्साको ग्रामीण क्षेत्रमा रहेको पिपरा स्थित बहुदरमाई मन्दिर, विरञ्चीबर्वा स्थित कालीकामाई मन्दिर, छिपहरमाई मन्दिर, जिराभवानी माई मन्दिर, रक्सौल स्थित मनसामाई मन्दिर, जितपुर सिमरा स्थित गढीमाई मन्दिर लगायतका शक्तिपिठहरुमा आईतवार विहानै देखि भक्तजनहरुको व्यापक घुँइचो लागेको छ ।