मनोज गुप्ता// वीरगञ्ज, भाद्र २१//
नेपाल प्रहरी साईबर ब्यूरोले भिपिएन प्रयोगमा रोक लगाएको छ ।
नेपाल सरकारले सूचीकृत नभएका फेसबुक लगायतका सामाजिक सञ्जालमा रोक लगाउने तयारीमा रहेको र सामाजिक सञ्जालमा रोक लगाए पछि भिपिएनको प्रयोग हुनसक्ने सम्भावित समस्यालाई मध्य नजर गर्दै साईबर ब्यूरोले सामाजिक सञ्जाल बन्द गर्ने सरकारको निर्णय भन्दा अघि नै गत बुधबार सूचना निकालेर भिपिएन प्रयोग नगर्न आग्रह गरेको हो ।
भिपिएनको प्रयोगबाट बैंकिङ्ग एपहरु ह्याक हुनसक्ने, व्यक्तिगत गोपनियता भङ्ग हुनसक्ने भाईरस लाग्न सक्ने जस्ता समस्याहरु उत्पन्न हुने भएकोले यसप्रती सचेत हुन साईबर ब्यूरोले आग्रह गरेको हो ।
सरकारले समाजिक सञ्जाल बन्द गरेको अवस्थामा नेपाल बाहिरको लोकेसन प्रयोग गरि गैरकानुनी रूपमा प्रयोगकर्ताहरु सकृय हुनसक्ने सम्भावना देखेपछि साईबर ब्यूरोले आमनागरिकलाई सतर्कताका लागि आग्रह गरेको हो ।
