मनोज गुप्ता // वीरगञ्ज, असोज ०८//
भोलि विहिवार प्रधानमन्त्री सुशीला कार्कीले राष्ट्रको नाममा सम्बोधन गर्ने भएकी छन् ।
सूचना, सञ्चार तथा प्रविधि मन्त्रालयको समन्वयमा भोलि बेलुकी ६ बजे प्रधानमन्त्री कार्कीले सम्बोधन गर्ने कार्यक्रम रहेको जनाईएको छ ।
जेन्जी आन्दोलनको जगमा निर्मित चुनावी सरकारको प्रधानमन्त्री द्वारा हुने सम्बोधन लाई देशका सबै नागरिकले ध्यान पूर्वक नियालिरहेको बुझिएको छ ।
मनोज गुप्ता // वीरगञ्ज, असोज ०७//
स्रोत नखुलेको साढे १४ लाख रुपैया सहित १ जनालाई आज मङ्गलवार बिराटनगर बाट प्रहरीले पक्राउ गरेको छ ।
को ३८ प ५८५१ नम्बरको मोटरसाइकलमा बिराटनगर वडा नम्बर १७ बाट सो रकम लिएर जादै गरेका बिरेन्द्र साहलाई प्रहरीले पक्राउ गरेको हो ।
बिरानगर-१८ निवासी साहले लुकाई छिपाई सिमावर्ती भारतीय बजारबाट सो रकम लिइ आउने क्रममा पक्राउ परेका हुन ।
बरामद रकम र मोटरसाइकल सहित साहलाई प्रहरी हिरासतमा राखी अनुसन्धान भइरहेको मोरङ्ग प्रहरीले जनाएको छ ।
मनोज गुप्ता // वीरगञ्ज, असोज ०६//
आज असोज ६ गते असोज शुक्ल प्रतिपदा बडा दशैको घटस्थापना, आज पर्सा, बारा, रौतहट लगायत सिमावर्ती भारतीय बजारहरुमा दशैको चहलपहल बढेको छ ।
बडादशैको आज पहिलो दिन देशैभरिका शक्तिपिठहरुमा माता दुर्गाको पूजाआराधनाका लागि कलश स्थापना गरिएको छ ।
आज विहानै श्रद्धालुहरु नुहाई धुवाई गरि चोखो भै सामूहिक रूपमा बजागाजाका साथ नजिकैको नदि वा जलाशय बाट जल ल्याई देवि वा पूजा घरमा विधिवत कलस स्थापना गरिएको छ ।
घट्स्थापनाको अवसरमा आज वीरगञ्जको प्रसिद्ध गहवामाई मन्दिर, बाराको प्रसिद्ध गढिमाई मन्दिर, वीरगञ्जको बिर्ता माता, काली माता, विन्दवासनी माता मन्दिर, पर्साको ग्रामीण भेगमा रहेको बहुदरमाई, कालिकामाई, छिपहरमाई लगायतका मन्दिर तथा गाउँ गाउँमा नवरात्री गर्ने श्रद्धालुहरु द्वारा विधिवत कलस स्थापना गरि पूजा पाठ सुरु भएको छ ।
पहिलो दिन माता शैलपुत्रीको पूजा आराधना गरिएको छ । बडादशैको अवसरमा वीरगञ्जको गहवामाई मन्दिरमा गतवर्षहरु जस्तै यसवर्ष पनि भक्तजनको व्यापक भिड बढेको छ । भने पर्सा प्रहरी द्वारा दशै मेलालाई मध्यनजर गर्दै सुरक्षा व्यवस्था कडा बनाउनुका साथै वीरगञ्जका विभिन्न ठाउँमा नागरिक सहायता केन्द्र स्थापना गरिएको छ ।
संजय गुप्ता// वीरगञ्ज, भाद्र २८//
आज शनिबार पहाडका केही भूभागमा भारी वर्षा सहित केही पहडी तथा तराईका अधिकान्स भू-भागमा मध्यम वर्षा हुने बताईएको छ ।
मनसूनको न्यून चापिय रेखा नजिक रहेकोले देशका अधिकान्स भागमा साधारणतया बदली रहने मौसम पूर्वानुमान महाशाखाले जनाएको छ । महाशाखाका अनुसार मधेस, कोशी, बागमती र गण्डकी प्रदेशका केही भाग लगायत अन्य केही पहाडी एवम तराईका भागहरुमा मध्यम वर्षा हुने देखिएको छ ।
त्यस्तै कोशी, गण्डकी, लुम्बिनी तथा कर्णाली प्रदेशका केही पहाडि भागमा ठूलो वर्षा हुने समेत महाशाखाले जनाएको छ ।
मनोज गुप्ता // वीरगञ्ज, भाद्र २७
राष्ट्रपति रामचन्द्र पौडेल ले आज शुक्रबार राती विधिवत रूपमा प्रतिनिधि सभा विघटन गरेका छ्न ।
नव निर्मित सरकारका प्रधानमन्त्री सुशिला कार्कीको सिफारिसमा राष्ट्रपति पौडेलले संसद विघटन गर्नुका साथै अगामी फागुन २१ गते नयाँ प्रतिनिधि सभा सदस्यहरुको निर्वाचन सप्पन्न गर्ने मिति तोकेको राष्ट्रपति कार्यालयले जनाएको छ ।
संजय गुप्ता// वीरगञ्ज, भाद्र २७//
नेपालकै पहिलो महिला प्रधानमन्त्री सुशीला कार्कीको पद तथा गोपनियताको सपथ कार्यक्रम सम्पन्न भएको छ ।
नवनियुक्त प्रधानमन्त्री कार्की लाई राष्ट्रपति रामचन्द्र पौडेलले अहिले शुक्रबार राती पौने १० बजे सपथ ग्रहण गराएका छन । यससङ्गै अन्तरिम सरकार गठनका लागि पच्छिलो २ दिनको कसरत मुलुकले नयाँ सरकार प्रमुख पाएपछि सफल भएको छ ।
प्रधानमन्त्री नियुक्त भएपछि पहिलो बैठकद्वारा नै कार्कीले करिब पदावधि बाकी रहेको प्रतिनिधि सभा विघटनको सिफारिस गरेकी छिन । नवगठित सरकार द्वारा पहिलो बैठकमै जननिर्वाचित संसद विघटन गरेको सम्भवत: नेपाल कै ईतिहासमा यो पहिलो घट्ना हो ।
राष्ट्रपति पौडेलले अगामी ६ महिनाभित्र प्रतिनिधिसभाको निर्बाचन गर्नेगरी कार्कीलाई प्रधानमन्त्रीमा नियुक्त गरेका छन । प्राप्त जिम्मेवारी अनुसार नवगठित सरकारले अगामी फागुन महिना भित्र प्रतिनिधिसभाको निर्वाचन गरिसक्नुपर्ने छ ।
संजय गुप्ता // वीरगञ्ज, भाद्र २६//
जिल्ला प्रशासन कार्यालय पर्साले अनिश्चितकालीन कर्फ्यु आदेश जारी गरेको छ ।
जेनजी समूहको आन्दोलनका कारण उत्पन्न भयावह अवस्थालाई नियन्त्रणमा लिन तथा कुनै अपृय घट्ना हुन नदिने अभिप्रायले आज विहिबार देखि अर्को सूचना जारी नहुन्जेल सम्म विहान १० बजे देखि बेलुकी ५ बजे सम्म र बेलुकी ७ बजे देखि अर्को विहान ६ बजेसम्म कर्फ्यु आदेश गरेको तथा दैनिक बिहान ६ बजे देखि १० बजे सम्म तथा अपरान्ह ५ बजे देखि साझ ७ बजे सम्म निषेधाज्ञा जारी गरिएको जिल्ला प्रशासन कार्यालय पर्साले जानकारी दिएको छ ।
कर्फ्यु अवधिभित्र पूर्वमा बाईपास रोड, पश्चिममा सिर्सिया पूल, उत्तरमा गण्डक चौक र दक्षिणमा शङ्कराचार्य गेट भित्र ५ जना वा सो भन्दा बढी व्यक्तिहरु भेला हुन, जूलूस, सभा वा कुनै कार्यक्रम गर्न नपाईने पनि प्रशासन कार्यालय द्वारा जारी विज्ञप्ति बाट जनाईएको छ । साथै निषेधाज्ञा लाई उलंघन गरेमा कानून बमोजिम कारवाही हुने चेतावनी समेत दिइएको छ ।
कर्फ्यु र निषेधाज्ञाको अवधिमा प्रेस, एम्बुलेन्स, दूध बोक्ने गाडी लगायतका अत्यावश्यकिय बाहनहरु चल्न दिइने जनाईएको छ ।
संजय गुप्ता// वीरगञ्ज, भाद्र २५//
अगामी सरकारको नेतृत्व कसलाई दिने भन्ने विषयमा आज बुधबार नेपाली सेनाको जंगि अड्डामा भएको छ्लफलमा नाराबाजी भएको छ ।
छलफलमा जेन्जी प्रतिनिधिहरुले सरकारको नेतृत्व गर्नका लागि पूर्व प्रधान न्यायाधीश शुशिला कार्किको नाम प्रस्ताव गरेपछि केही यूवाहरु बाहिर भेला भई नाराबाजी गरेका छन् ।
यूवाहरु मध्ये केहिले बालेन शाह लगायत अन्य व्यक्तिहरुको नाम अघि सारेका छन् ।
सरकार नेतृत्व सम्बन्धि विवाद भएपछि सैनिक मुख्यालयले जेन्जी यूवाहरुलाई भोलि बिहान छ्लफलका लागि बोलाएको छ ।
जंगिअड्डा बाहिर नेपाली सेनाको प्रतिनिधिले माईकिङ्ग गरेर जेन्जी यूवाहरुलाई भोलि बिहान आफ्ना सबै प्रतिनिधिहरुको नाम र मोबाईल नम्बर सहित सम्पर्कमा आउन सूचना गरेका छन् ।
