वीरगञ्ज, फागुन १४// 

आज फागुन कृष्ण त्रयोदशि देशैभरी धुमधामका साथ महाशिवरात्री पर्व मनाईदै छ ।

हिन्दु धर्मावलम्बीहरुको विभिन्न चाडहरुमध्येको एक महाशिवरात्री पर्वको अवसरमा आज देशभरिकै शिवालयहरुमा भक्तजनको व्यापक घूइचो देखिएको छ ।

आज राजधानि स्थित पशुपतिनाथ मन्दिरमा नेपाल र भारत लगायत अन्य मूलूकबाट समेत हजारौंको संख्यामा भक्तजनको भिड लागेको छ ।

महाशिवरात्रीको अवसरमा आज वीरगञ्ज स्थित अलखिया मठ, पशुपतिनाथ मन्दिर, माइस्थान, अजगैबी महादेव, जिविसको मन्दिर, बिन्दवासनी मन्दिर त्यस्तै ग्रामीण क्षेत्रमा रहेको महुवनको पारस नाथ मन्दिर, भाठा मन्दिर, पोखरियाको पोखरेश्वर मन्दिर, जिराभवानी मन्दिर लगायतका मन्दिरहरुमा आज बिहानै देखि श्रद्धालुहरुको ठूलो भिड देखिएको छ ।

वीरगञ्ज, माघ २६//

प्रेस चौतारी नेपाल पर्सा जिल्ला कार्य समितिको अध्यक्षमा निरञ्जन मिश्र निर्वाचित भएका छ्न ।

नयाँ नेतृत्वका लागि आज शनिवार भएको निर्वाचनको मतगणनामा अध्यक्ष पदका २ जना उम्मेदवार तुलसी भण्डारी (विजय) र निरञ्जन मिश्रले बराबर मत ४६/४६ पाए पछि आधा आधा कार्यकालका लागि भएको गोला प्रथाबाट पहिलो कार्यकालका लागि निरञ्जन मिश्र निर्वाचित भएका हुन ।

यस सङ्गै निर्वाचनबाट उपाध्यक्ष खुल्लामा राजेन्द्र सिङ्ह, उपाध्यक्ष महिलामा लक्ष्मी खरेल, सचिवमा कृष्ण कुश्वाहा, कोषाध्यक्षमा सन्तोष पटेल लगायतका निर्बाचित भएका छ्न । निर्वाचनमा प्रेस चौतारी सङ्ग आबद्ध ११० मध्ये ९५ मत खसेको थियो ।

वीरगञ्ज, माघ १८//

श्रमजीवी पत्रकार संघको जिल्ला समिति बारामा पनि गठन भएको छ।

कलैयामा आज शुक्रबार  सम्पन्न पत्रकारहरुको एक भेलाबाट  शिवशंकर मिश्रको अध्यक्षतामा १३ सदस्यीय बारा जिल्ला समिति गठन भएको हो ।

नवगठित समितिको उपाध्यक्षमा नरेश गुप्ता,महिला उपाध्यक्ष प्रियंका सरार्फ, सचिव चन्देश्वरचौरसिया(राजु), सहसचिव श्याम पासवान र महेन्द्र सहनी, कोषाध्यक्ष विशाल सरार्फ एवम्  सदस्यमा शर्मा बैठा, अजय यादव वियोगी, अनिल वर्मा,विनीता चौधरी,कृष्ण कुश्वाहा, श्याम ठाकुर र रन्जन कुमार चयन भएका छन ।

नेपाल पत्रकार महासंघका मधेस प्रदेश सदस्य संजीव मिश्रको प्रमुख आतिथ्यता र नेपाल प्रेस युनियनका प्रदेश अध्यक्ष सत्य प्रकाश श्रेष्ठको बिशेष आतिथ्यतामा सम्पन्न कार्यक्रममा बाराका श्रमजीवी पत्रकारहरुको उल्लेखनीय सहभागिता रहेको थियो ।