वीरगञ्ज, पौष २३//
आज विहान नेपाल – चीन सिमाको तिब्बत क्षेत्रमा रहेको दिङ्गे कान्टिमा केंद्रविन्दु भई ७ म्यानिच्यूडको भूकम्प गएको छ ।
आज विहान ६:५० बजे गएको सो भूकम्पका कारण नेपाल, भारत, बङ्गलादेश र भुटानका समेत विभिन्न भागमा धक्का महसुस भएको छ । यो भूकम्पले तिब्बतका साथै नेपालको पूर्वी र मध्य क्षेत्रमा ठूलो धक्का दिएको छ ।
भूकम्पको केन्द्रविन्दु बाट नेपालको दूरी ९० किलोमीटर मात्रै रहेको छ । त्यस नजिकका नेपाली जिल्लाहरु सोलुखुम्बु, ताप्लेजुङ, संखुवासभा र दोलखामा ठूलो झट्का महसुस भएको छ । ती जिल्लाहरुमा भूकम्पले पुर्याएको क्षतीको यकिन विवरण आइ नसकेको तथा विवरण संकलन कार्य भैरहेको स्थानीय प्रशासनले जनाएको छ ।
