वीरगञ्ज, बैशाख १
आज विक्रम सम्वत २०८१ वैशाख १ गते शनिबार अर्थात विक्रम सम्वत २०८१ को पहिलो दिन । आज नेपालभरी नै नयाँ वर्ष हर्सोल्लासका साथ मनाइदै छ ।
आज देशैभरिका यूवायुवती तथा बृद्ध वृद्धाहरु समेतले आ आफ्नो मिल्ने साथिहरु सङ्ग तथा गाउँ, घर, बस्तीका मानिस एवम आफन्तहरु सङ्ग समेत खुसियाली साटासाट गरि र मीठो मीठो परिकार खाइ नयाँ वर्ष मनाइ रहेका छन् ।
नव वर्षको अवसर पारेर यूवा युवती हरु बनभोज जाने तथा पिक्निक जाने चलन पनि पच्छिलो समय निकै बढ्दै गएको देखिन्छ । त्यस्तै नव वर्षको स्वागत स्वरुप विभिन्न सङ्घ संस्थाले विशेष कार्यक्रमहरु गरेर पनि नव वर्ष मनाउने प्रचलन बढिरहेको देखिएको छ ।
नव वर्षको पूर्व सन्ध्यामा हिजो शुक्रबार मधेस प्रदेशको एकमात्र महानगर वीरगञ्ज महानगरपालिकाले रात्री बजार तथा मेला लगाइ विभिन्न कार्यक्रम गरेर नव वर्ष २०८१ को स्वागत गरेको छ ।
यता नयाँ सालको अवसरमा पिकनिक जानेहरुको बढ्दो भिड सङ्गै सवारी दुर्घटनाका घट्नाहरु समेतमा वृद्धि हुने गरेको पच्छिला वर्षहरूमा देखिएको छ । नव वर्षलाई उमङ्ग र खुसियालिका साथ मनाउने क्र्ममा अत्यधिक मदिरा सेवन तथा मापसे गरि सवारी साधन चलाउने जस्ता कार्य नगर्न ट्राफिक प्रहरी पर्साले अनुरोध समेत छ ।
