वीरगञ्ज, माघ १५
बारामा हिजो बुधवार भएको सवारी दुर्घटनामा परी पूर्व अनुसन्धान अधिकृतको मृत्यु भएको छ । बाराको पिलुवा बाट सदरमुकाम कलैया तर्फ आउँदै गरेको ना ३० प ९८३० नम्बरको मोटरसाईकलमा सवार बारा कलैया उपमहानगरपालिका वडा नम्बर ५ घुसुकपुर निवासी पूर्व अनसन्धान अधिकृत विष्णु थापालाई विपरित दिशाबाट आइरहेको ट्रिपरले ठक्कर दिँदा दुर्घट्ना भएको बारा प्रहरीले जनाएको छ ।

बारा उत्तर झिट्कैया गाउँ नजिकै भएको दुर्घटनाबाट घाईते राष्ट्रिय अनुसन्धान विभागका पूर्व अधिकृत ६० वर्षीय थापाको उपचारको क्रममा मृत्यु भएको छ ।

वीरगञ्ज, माघ २३

सर्लाहीको सवारी  दुर्घटनाका घाइतेहरु मध्ये एक जनाको मृत्यु भएको छ ।

दुर्घटनामा घाइते भै उपचाररत जिल्ला नापी कार्यालय सर्लाही  मलंगवाका कार्यालय सहयोगी बागमती नगरपालिका -५ निवासी विनोद घिमिरेको उपचारको क्रममै  मृत्युु भएको हो ।

हिजो सोमबार राति ८ बजे तिर नापी कार्यालयका सर्लाहीका कर्मचारीहरू चढेको बिआर ०६ पिडी ९६४८ नम्बरको भारतीय नम्बर प्लेटको गाडी सर्लाहीको मलंगवा नगरपालिका – १० गम्हरियास्थित चमेली माई मन्दिर नजिकै दुर्घटना भएको थियो ।

उखु लोड गरेको ट्र्याक्टरमा ठोकेपछी भएको दुर्घटनामा परि नापी  कार्यालय सर्लाही मलंगवाका प्रमुख सञ्जय मानन्धरसहित ११ जना घाइते भएको खबर प्राप्त भएको छ ।

यस्तै अन्य घाइते हरुमा महोत्तरीका ३० वर्षीय बैजु यादव र सर्लाहीको मलंगवा नगरपालिका – ३ का ३५ वर्षीय रामलाल साह, सर्लाही कौडेना गाउँपालिका – २ का २४ वर्षीय सञ्जित मण्डल, महोत्तरी एकडारा गाउँपालिका – २ का ३० वर्षीय रिटेन यादव, सर्लाही मलंगवा नगरपालिका – ३ का ५० वर्षीय बैधनाथ पटेल, मलङ्ग्वा नगरपालिका – ७ का ३४ वर्षीय रामबाबु राय, धनुषा शहीद नगर – ७ का २९ वर्षीय दीपेन्द्र यादव, बारा कलैया उपमहानगरपालिका – २० का २४ वर्षीय शहीद अनवर र महोत्तरीका २५ वर्षीय अजय यादव घाइते भएको जिल्ला प्रहरी कार्यालय सर्लाहीले जनाएको छ ।

वीरगञ्ज, माघ १६
नेपाली काँग्रेस पर्साले आज माघ १६ गते मंगलवार शहिद दिवसको अवसरमा शहीद तेजबहादुर अमात्य र थिरबम मल्लको शालिकमा माल्यार्पण सहित विभिन्न कार्यक्रमहरु गरी श्रद्धाञ्जली अर्पण गरेको छ ।

नेपाली काँग्रेस पर्सा क्षेत्र नम्बर १ का कार्यवाहक सभापति अनिल सिँहको अध्यता एमव नेपाल सरकारका उद्योग वाणिज्य तथा आपुर्ति मन्त्री रमेश रिजालको प्रमुख आतिथ्यतामा सम्पन्न सहिद सम्मान कार्यक्रममा विशिष्ट अतिथीको रुपमा नेपाली काँग्रेस पर्साका सभापति तथा प्रदेशसभा सदस्य जनार्दन सिँह क्षेत्री, संविधानसभा सदस्य एवम नेपाली काँग्रेसका केन्द्रिय सदस्य अनिल रुँगटा, काँग्रेस पर्साका उपसभापति रामनारायण कुर्मी, काँग्रेस पर्साका सचिव तथा वीरगञ्ज महानगरपालिकाका उप प्रमुख ईम्तियाज आलम लगायतका नेता तथा कार्यकर्ताहरुको सहभागिता रहेको थियो ।

कार्यक्रममा सहभागि नेताहरुले नेपाली काँग्रेसले सदैव शहीदहरुको सम्मान गर्दै आएको तथा शहिदहरुको सपना हालसम्म पुरा हुननसकेकोले शहीदको सपना पुरा गर्न सवैले आ आफ्नो स्तरबाट ईमान्दारीका साथ अघि बढ्नुपर्नेमा जोड दिनुभयो ।

त्यस्तै देशभरी नै विभिन्न कार्यक्रमहरु गरी आज मंगलवार शहिद दिवस मनाईएको छ । विगतदेखि नै मनाउँदै आइएको शहिद दिवसको अवसरमा आजपनि सरकारी स्तरबाट पनि सहिदहरुको सम्झनामा सुरक्षा फौजहरुले मार्चपास लगायतका कार्यक्रमहरु सञ्चालन गरी नेपाल सरकारका उच्च पदस्थ अधिकारीहरुद्धारा शहीदहरुलाई सम्झना गरी श्रद्धाञ्जली अर्पण गरिएको छ । तर विगतका वर्षहरुमा दिँदै आएको शहिद दिवसको विदा यस पालि चाहि दिईएको छैन । सरकार द्धारा विदा दिनका लागि भएको निर्णय अगामी वर्षदेखि लागुहुने जनाइएको छ ।