राजु चौरसिया// बारा मंसिर २८

काङ्ग्रेस नेता एवम सम्बिधान सभा सदस्य राजेश्वर नृसिङ्मु केसिले मुलुक लाई राजनीतिक निकास दिने एकमात्र पार्टी नेपाली काङ्ग्रेस रहेको दाबी गर्नुभयो ।

नेविसंघ का विद्यार्थी नेता बादल यादव का बुवा रघु राय यादवको १३ औ दिनको पुण्य तिथिमा आज बिहीवार आयोजित श्रद्धाञ्जली लाई सभामा नेता केसिले यस्तो दाबी गर्नुभयो ।

कार्यक्रममा काङ्ग्रेस बाराका सचीव राजेश रौनियार, जिल्ला सदस्य अफ्तर हुसैन, नेपाल तरुण दलका केन्द्रिय सदस्य दिपेन्द्र केसरी, नेविसंघका केन्द्रिय सदस्य विजय ढुंगाना, विद्यार्थी नेताहरु सुमित श्रीवास्तव, प्रसन्त रौनियार लगायतका हरुको सहभागिता रहेको थियो ।

राजु चौरसिया // कलैया मंसिर २७
प्रसौनी गाउपालिका वडा नम्बर ३ मा नवनिर्मित वडा कार्यालयको भवन तथा आधारभुत स्वास्थ्य सेवा केन्द्र भवनको आज बुधवार उदघाटन भएको छ । वडा नं ३ को नौतन स्थित वडा समितीको नव निर्मित भवनको पर्सौनी गाउँपालिकाका अध्यक्ष विनोद प्रसाद जैसवालले आज एक समारोहका विच उदघाटन गर्नुभयो ।

उदघाटन समारोहलाई सम्बोधन गर्दै गापा अध्यक्ष जैसवालले गाउँ गाउँमा सिँहदरवार भन्ने गणतन्त्रको भावनालाई शब्दमा मात्रै सिमित नगरि त्यसको वास्तविक अनुभुति सर्वसाधारणलाई गराउन आफू लागिपरेको दाबी गर्नुभायो । उदघाटनका क्रममा बोल्दै अध्यक्ष जैसवालले सँघीय सरकारले स्थानिय सरकारका धेरैजसो अधिकारलाई प्रयोग गर्ने अवसरबाट बन्चित गरी आफुहरुले सोचेको जस्तो काम गर्न नदिएको आरोप पनि लगाउनुभयो । धेरै तनाव र बाधा व्यवधानलाई चिछोल्दै पालिकाका सम्पूर्ण वडाहरुमा वडा कार्यालय निर्माण गर्ने र पालिकाका जनताहरुलाई सहज र प्रभावकारी सेवा प्रवाह गर्ने लक्ष्य आफुले राखेको समेत वहाँले बताउनुभयो । यता वडा नं ३ का अध्यक्ष छोटेलाल प्रसाद साहले गाउपालिका स्तरिय बजेट बाट निर्माण भएको वडा कार्यालय भवनको स्थापनाले सेवाग्राही अत्यन्तै खुशी भएको बताउनुभयो।

नवनिर्मित वडा कार्यालयको भवनको कुल निर्माण लागत ३८ लाख ७४ हजार ७ सय पैंतालीस रुपैयाँ तथा आधारभूत स्वास्थ्य सेवा केन्द्र भवनको कुल लागत २६ लाख ७ हजार ७ सय ३८ रुपैयाँ रहेको गाउँपालिकाका प्रशासकिय अधिकृत सुमित कुमार सिँहले जानकारी दिनुभयो ।
उद्घाटन कार्याक्रममा गाउँपालिकका उपाध्यक्ष किरण देबि साह,वडा नम्बर २ का अध्यक्ष उदय साह तेलि,४ का अध्यक्ष याकुब अन्सारी,७ का अध्यक्ष ईस्लाम मिया,वडा नम्बर २ का पुर्व वडा अध्यक्ष बैजनाथ प्रसाद साह कानु, कार्यपालिका सदस्य राजहरण साह कानु, ईलाका प्रहरी कार्यालय प्रसौनीका प्रहरी निरीक्षक बिनोद बोहरा लगायतका हरुले आ आफ्नो मन्तव्य राख्नुभयो ।