वीरगञ्ज, कार्तिक १५

चाडपर्वको मुखमा आएर ह्वातै बढेको प्याजको भाउका कारण उपभोक्ताहरु मर्कामा परेका छन् । लगभग हरेका भन्साका लागि अनिवार्य मसलाको जस्तै रहेको प्याजको भाउमा एकाएक भएको वृद्धिकाकारण भन्साको बजेटमा एक्लै प्याजले ठूलो हिस्सा ओगट्ने गरेकोले प्याजको प्र्रयोगमा कटौती गर्नपर्ने अवस्था सिर्जना हुनथालेको आम उपभोक्ताहरु बताउँछन् ।
दशैं आउनलाग्दा वीरगञ्जको बजारमा लगभग अढाई सय रुपैयाँ प्रति पाँच किलोको दरले विक्रीभएको प्याज दशैंको अन्त्यतिर आएर एकाएक चार सय पचास रुपैयाँ प्रति पाँचकिलोमा विक्री हुनथालेको र हालसम्म दिनहुँजसो भाउँमा वृद्धि हुँदै गएको देखेर उपभोक्ताहरु चिन्तित भएको बताएका छन् ।
यता प्याजको भाउँ बढाउनु आफुहरुको रहर नभई बाध्यता रहेको वीरगञ्ज घण्टाघरका तरकारी व्यवसायीहरु बताउँछन् । यसपालिको नयाँ उत्पादन बजारमा नआएसम्म प्याजको भाउमा गिरावट आउने सम्भावना नरहेको व्यवसायीहरुको भनाई रहेको छ ।

राजु // चौरसिया बारा कार्तिक – १४
बाल एकता मावि कलैयाका सञ्चालक रुपेश सर्राफको हत्यामा उनकै प्रेमिकाको संलग्नता रहेको देखिएको छ ।
घट्नालगतै जिल्ला प्रहरी कार्यालय बाराको गहन अनुसन्धानबाट यो रहस्योद्घाटन भएको हो । घट्नामा सँलग्न रहेको आशंकामा प्रहरीले सर्राफको प्रेमिका सहित ७ जनालाई पक्राउ गरेको जिल्ला प्रहरी कार्यालय बाराका प्रमुख प्रहरी उपरिक्षक सुरेश काफ्लेले बताउनुभयो ।
विवाहित सर्राफको एक छोरा र एक छोरी रहेपनि विगत लामो समयदेखि ति महिला सँग सम्बन्धमा रहेका थिए । सर्राफको प्रेमिका भनिएकि ति महिलाको अर्कोपनि एक जना पुरुष सँग सम्बन्ध रहेको र ति पुरुषले पटकपटक सर्राफलाई ति महिला सँगको सम्बन्धलाई तोड्ने चेतावनी दिँदै आएको भएपनि सर्राफले यसबारे घरपरिवारमा पनि कसै सँग केही नबताएको र महिला सँगको सम्बन्ध तोड्न नमानेपछि यो घट्नाको योजना बनाएको अनुमान गरिएको छ ।
यस अघिपनि स्थानिय एक होटलमा सर्राफमाथि हत्याको प्रयास गरिएको भएपनि सर्राफ उम्किन सफल भएका थिए र । सर्राफ सो घट्नाको बारेमा पनि घरपरिवारमा नबताएको र दोस्रो पटकको प्रयासमा सर्राफको हत्या गर्न अभियुक्तहरु सफल भएको बताईएको छ ।

राजु चौरसिया // बारा कार्तिक १३
अज्ञात व्यक्तिको गोली प्रहारबाट घाइते बाराका रुपेश स्वर्णकार मृत घोषित भएका छन् । बाराको कलैया ६ निवासी स्वर्णकार लाई आफुले सञ्चालन गरेको बाल एकता बोर्डिङ्ग स्कुलबाट नजिकैको मदर्सा टोलमा सोमबार दिउँसो मोटरसाईकलमा आएका अज्ञात व्यक्तिहरु दुई राउण्ड गोली प्रहार गरी फरार भएका थिए ।

गोली लागेर सख्त घाईते स्वर्णकार लाई एल एस न्यूरोबाट थप उपचारका लागि वीरगञ्ज स्थित बयोधा मेडिसिटीमा लगेको तथा उपचारकै क्रममा दिउँसो करिब पौने तिन बजे स्वर्णकारलाई मृत घोषणा गरिएको पर्साका प्रहरी प्रमुख प्रहरी उपरिक्षक कोमल शाहले बताउनुभयो ।