वीरगन्ज । एसिया कप क्रिकेटमा साेमबार भारतविरुद्ध भएकाे खेलमा पराजित भएपनि नेपालले सम्मानजनक प्रदर्शन गरेकाे छ।

श्रीलंकाकाे क्यान्डीस्थित स्टेडियममा समूह ‘ए’ को अन्तिम खेलमा नेपाल भारतसंग १० विकेटले पराजित भएकाे छ ।

वर्षाले पटक-पटक अवरोध गरेपछि डीएलएस विधिअनुसार भारतले २३ ओभरमा १४५ रनको लक्ष्य पाएको थियाे ।उक्त लक्ष्य भारतले २०.१ ओभरमा विना कुनै विकेटकाे क्षतिमा पुरा गरेकाे हाे ।भारतका लागि कप्तान राेहीत शर्माले अविजित ७४ र शुभम गिललेअविजित ६७ रनकाे याेगदान दिए।

त्यसअघि टस हारेर पहिले व्याटीङ गरेकाे नेपालले ४८ ओभर २ बलमा आउट हुदै दिएको २३० रन बनाएको थियाे । त्यसपछि २३१ लक्ष्य पछ्याउने क्रममा भारतले २.१ ओभरमा १७ रन बनाएको थियो । त्यसपछि खेल वर्षाले रोकिएको थियो ।

नेपालले व्याटीङ गर्ने क्रममा कुशल भुर्तेल र आसिफ शेखले १० ओभरभित्र ६५ रन जोडी नेपाललाई दिलाएको राम्रो सुरुवात मध्यक्रमका ब्याटरले इनिङ्स तानेका थिए । कुशलसहित भीम सार्की, कप्तान रोहित पौडेल र कुशल मल्ल छोटो समयमा आउट भए पनि आसिफ शेखले संयमतापूर्वक खेल्दै अर्धशक पूरा गरेका थिए ।

आसिफले ८८ बलमा आफ्नो अर्धशतक पूरा गरेका थिए । उनले ९७ बल खेली ८ चौका प्रहार गर्दै कुल ५८ रन बनाए ।कुशल भुर्तेलले २५ बलमा ३८ रन बनाए ।उनले ३ चौका र २ छक्का प्रहार गरे । कुशलले एकदिवसीय अन्तर्राष्ट्रियमा आफ्नो १ हजार रन पूरा पनि गरे।रोहित र आसिफपछि एकदिवसीय अन्तर्राष्ट्रियमा १ हजार रन पूरा गर्ने उनी तेस्रो खेलाडी हुन् ।

भीम सार्कीले १७ बल खेली ७ रन बनाए । रवीन्द्र जडेजाको बल ड्राइभ गर्न खोज्दा उनी स्टम्पआउट भए । कप्तान रोहित पौडेलले ५ रनमात्र बनाउन सके । जडेजाको बलमा उनले स्लिपमा भारतीय कप्तान रोहित शर्मालाई क्याच दिन पुगे ।

गुल्शन झाले ३५ रन बनाउँदै आसिफलाई राम्रो साथ दिए । उनले ३ चौका प्रहार गरेका थिए । दीपेन्द्र ऐरीले पनि उपयोगी २९ रन बनाए । उनले २५ बल खेल्दै ३ चौका प्रहार गरे ।

सोमपाल कामीको ४८ रनमा नेपालले २ सय रनको स्कोरलाई पार गरेको थियो । उनले ५६ बल खेली १ चौका तथा पाण्ड्या र सिराजलाई १–१ छक्का प्रहार गरेका थिए ।सन्दीप लामिछाने ९ रनमा रनआउट भए । करण केसी २ रनमा अविजित रहे भने ललित राजवंशी शून्यमा आउट भए ।बलिङ तर्फ भारतका रविन्द्र जडेजा र महम्मद सिराजले ३–३ विकेट लिएका थिए ।

जितसंगै भारत समुह ए बाट सुपर फाेरमा प्रवेश गरेकाे छ भने पराजय व्यहाेरेकाे नेपाल समुह चरणबाटै बाहिरिनु परेकाे छ ।

जडेजाले १० ओभरमा ४० र सिराजले ९.२ ओभरमा ६१ रन खर्चे । मोहम्मद शामी, पाण्ड्या र शार्दुल ठाकुरको नाममा १–१ विकेट रहयो ।साभार : रातो पाना