वीरगंज ३१ साउन ।
वीरगंज महानगरपालिका वडा नं. १५ स्थित नवदिप एकेडेमीको कारण अभिभावकहरु आतंकित बन्न पुगेका छन् ।
चालु महिनाको बिल सोही महिनाको दोस्रो हप्तामै पठाई पैसा तिर्नलाई स्कूलले अभिभावकहरुको मोबाईलमा फोन गरी बारम्बार तनाव दिने काम गरेको अभिभावकहरुको गुनासो रहेको छ । बारा जिल्ला नौतन बस्ने सदाम हुसैनका दुई जना छोराहरु नवदिप एकेडमीमा पढछन् । उनलाई सावन महिनाको १४ गते “UP to shrawan” को १४ हजार ९ सयको बिल विद्यार्थी मार्फत अभिभावकलाई पठाएका थिए । सो बिल हेरेर अभिभावक सदामले स्कूलमा पुगी प्रिन्सिपल सुशिला साह सँग बुझ्दा पुरानो र सावन महिनाको बिल अहिले नै तिर्नु पर्छ भनि दबाव दिएकी थिईन् । बिलको पैसा नबुझाए आफ्नो बच्चालाई यो स्कूलबाट अन्यत्र लग्नुस भनेपछि बाध्य भएर अभिभावक सदामले सोही दिन ८ हजार रुपैया बुझाए ।
सदाम एक उदाहरण पात्र मात्र हुन, उनी जस्ता थुप्रै अभिभावकहरुलाई यसरी नै तनाव दिने गरेको गुनासो बढदै गएको छ । यतिमात्र कहाँ हो र, अभिभावकहरुले कुनै कारणवस समयमा स्कूलको पैसा तिर्न नसक्दा विद्यार्थीहरुलाई बेन्चमा खडा गर्ने, स्कूलको गेटमा घण्टौ खडा गर्ने जस्ता असमाजिक क्रियाकलाप पनि गर्दै आएको अभिभावक सदामले यस अनलाईन सँग गुनासो गरे ।
सो विषयलाई लिएर स्कूलका प्रिन्सिपल साह सँग गुनासो गर्दा साहले उल्टै अभिभावकलाई नै अपशब्द प्रयोग गर्ने, वादविवाद गर्ने, धम्काउने जस्ता गतिविधि गर्दै आएको बताईन्छ ।
स्कूलले स्कूल ड्रेस, किताब तोकेकै पसलबाटै किन्नु पर्ने बाध्यात्मक अवस्था सृजना गरेको छ । ८०–१०० रुपैया पर्ने विद्यार्थी परिचयपत्रको रु. २०० तिर्न लगाई अभिभावकहरुको डाढ सेक्ने काम गरिरहेको छ ।
सो विषयमा स्कूलका प्रिन्सिपल साह सँग फोन सम्पर्क गरी बुझ्दा उनले पुरानो पैसा र साउन महिनाको पैसा जोडेर स्टिीमेट बिल पठाएको बताईन् । अभिभावकलाई साउन महिनाको पैसा तिर्न दबाव नदिएको प्रतिक्रिया दिईन् । तर बिल हेर्दा पुरानो बाकी पैसा कहि कतै उल्लेखन नभएको देखिन्छ । यस सन्दर्भमा वीरगंज महानगरपालिका शिक्षा महाशाखा प्रमुख अरबिन्दलाल कर्ण सँग फोन गरी प्रतिक्रिया लिन खोज्दा उनको मोबाईल फोन स्विच अफ रहेको पाईयो ।
अभिभावक संघ वीरगंज, पर्साका अध्यक्ष संदिप साह सँग फोन सम्पर्क गरी प्रतिक्रिया लिन खोज्दा उनले अन्य स्कूलहरुले पनि यस्तै गलत काम गरिरहेको बताउदै महिना सकिसके पछि मात्र बिल पठाउनु पर्ने, विद्यार्थीहरुलाई कुनै किसिमको तनाव दिन नहुने बताए । सो विषयलाई लिएर हामीहरुले बारम्बाबर सम्बन्धित निकायमा पुगी ज्ञापनपत्र बुझाई बिरोध गर्दा समेत नियमनकारी निकायले खासै वास्ता नगरेको गुनासो गरे । यस्ता गतिविधि गर्ने स्कूलहरुलाई कडा भन्दा कडा कारवाहीको माग समेत गरे ।
वीरगन्ज,३१ साउन :वीरगन्जको ठाकुरराम बहुमुखी क्याम्पसको परीक्षमा उत्तरपुस्तिका नै हेरेफेर गरेर उत्तीर्ण गराउने गिरोहका दुई जना बुधबार रङ्गे हात पक्राउ परेका छन् ।
बुधबार एक विद्यार्थीलाई उत्तीर्ण गराउनका लागि परीक्षामा उत्तरपुस्तिका (कापी) साटेको आरोपमा वीरगन्जको ठाकुरराम बहुमुखी क्याम्पसको परीक्षा शाखाका पुर्व प्रमुखसहित दुई जनालाई बुधबार प्रहरीले पक्राउ गरेको छ ।प्रहरीले क्याम्पसको परीक्षा शाखाका पुर्व प्रमुख मोहन यादव र त्रिजुद्ध मावि परीक्षा केन्द्रका प्रमुख विनोद स्वर्णकारलाई उत्तरपुस्तिका साट्दै गरेको अवस्थामा रङ्गे हात पक्राउ गरेको हो ।
ठाकुरराम क्याम्पसमा वर्षौदेखि परिक्षा शाखा प्रमुखका रुपमा कार्यरत यादव , एक महिनापहिले मात्र अवकाश लिएका थिए । हाल उनि वीरगन्जकै हरिखेतान बहुमुखी क्याम्पसको परिक्षा शाखा प्रमुखमा कार्यरत छन् ।
ठाकुरराम क्याम्पसको बिबिएस दोश्रो वर्षको परीक्षा केन्द्र वीरगन्जकै त्रिजुद्ध माविमा तोकिएको छ । बुधबार बिहान परीक्षा सकिने बेलामा यादवले एक विद्यार्थीले दिदै गरेको परीक्षाको उत्तरपुस्तिकाको सट्टा बाहिरबाट लेखेर ल्याइएको अर्को उत्तरपुस्तिका राख्न भन्दै परिक्षा केन्द्र प्रमुख स्वर्णकारलाई दिदै गरेको भेटिएपछि यादव र स्वर्णकार दुवै जनालाई रङ्गेहात पक्राउ गरिएको वडा प्रहरी कार्यालय वीर्ताका प्रहरी निरीक्षक विदूर शिवाकोटीले बताए ।
शिवाकोटीका अनुसार ,त्रिजुद्ध माविको परीक्षा केन्द्रमा ठाकुरराम क्याम्पसको परीक्षा चलिरहेको र त्यहा बाहिरबाट लेखेर ल्याइएका उत्तरपुस्तिका पुस्तिका साट्ने चलखेल भइरहेको सूचना प्रहरीलाई प्राप्त भएको थियो । त्यहि सूचनाको आधारमा बुधबार बिहान प्रहरी निरीक्षक शिवाकोटी नेतृत्वको प्रहरी टोलीले खटिएको थियो ।
क्याम्पसमा कार्यरत परीक्षा शाखाका बहालवाला कर्मचारी,पूर्व कर्मचारी, प्राध्यापक र केहि विद्यार्थी संगठनका नेताहरुको मिलोमतोमा विद्यार्थीसंग रकम लेनदेन गरी परिक्षामा उत्तरपुस्तिका नै साटेर उत्तीर्ण गराउने धन्दा वर्षौदेखि चल्दै आएको छ ।
क्याम्पसमै कार्यरत एक कर्मचारीले भने,‘ यो धन्दा वर्षौदेखि चल्दै आएको छ । एउटा विषयको परिक्षामा पास गराउन विद्यार्थीसंग ३० देखि ३५ हजार रुपैयाँ असुली गरिन्छ ।
परिक्षामा वास्तविक परीक्षार्थीको सट्टा नक्कली परीक्षार्थीलाई बसाएर लेख्न पनि लगाइन्छ ।अनि कापी साट्नेपनि गरिन्छ । यदि खोज्दै जाने हो भने यो धन्दामा क्याम्पसका एकसे एक व्याक्तिहरुको चरीत्र पर्दाफास हुन्छ ।यहि धन्दा बन्द हुने भयो भनेर नै दुई महिना पहिले ठाकुरराम क्याम्पसको परीक्षा केन्द्र अन्य जिल्लामा तोकिएपछि विद्यार्थी संगठनहरुले आन्दोलनपनि गरेको ती कर्मचारीले बताए ।
बुधबार परिक्षा केन्द्रबाट पक्राउ परेका दुवैलाई जिल्ला प्रहरी कार्यालय पर्साको हिरासतमा राखेर थप अनुसन्धान भइरहेको पर्साका प्रहरी प्रवक्ता प्रहरी नायब उपरीक्षक दिपक गिरीले जानकारी दिए ।
दुवै जना विरुद्ध शिक्षा ऐन–२०२८ को दफा १७ अनुसार मुद्धा दर्ता गरि कारबाही प्रकृया अगाडि बढाइने जानकारीपनि उनले दिए । शिक्षा ऐन–२०२८ को दफा १७ मा प्रश्नपत्रको गोपनियता भंग गरेमा वा अरुको परीक्षा दिएमा वा परीक्षाको मर्यादा भङ्ग गरेमा त्यसमा संलग्नलाई कसूरको मात्रा हेरेर १ लाख रुपैयाँ जरीबाना वा ६ महिना कैद वा दुवै सजाय हुनसक्ने उल्लेख छ ।साभार : मधेस खबर
