संजय गुप्ता//वीरगञ्ज, वैशाख १०//
शिक्षकहरुको आन्दोलन आज बुधबार २२औं दिन पनि जारी छ । बैशाखको ट्न्ट्लापुर घाममा छाता ओढेर भएपनी शिक्षकहरुले आफ्नो प्रदर्शनलाई निरन्तरता दिएका छन् ।
यता आन्दोलित शिक्षकहरूको असहयोगका कारण भोलि बैशाख ११ गते देखि हुने भनिएको कक्षा १२ को परीक्षाको मिति अगामी २१ गते देखि सञ्चालन गर्ने भनी परीक्षा बोर्डले जनाएको छ । यश सङ्गै शिक्षकहरुलाई तह लगाएर बलपूर्वक परीक्षा सञ्चालन गर्ने सरकारको मनसायमाथी पानी फेरिएको छ । सरकारले शिक्षकहरुको मागलाई सम्बोधन गरेर सन्तुष्टिका साथ कक्षाकोठा फर्काउनुपर्नेमा त्यसो नगरी प्रतिसोधको भावनाले प्रेरित भएको जस्तो व्यवहार गर्दै जबरजस्ती आन्दोलन तुहाउने प्रयास गरेको शिक्षकहरुको गुनासो रहेको छ ।
अझै पनि सरकारले शिक्षकहरुलाई कक्षाकोठामा फर्काउने उचित वातावरण सृजना नगरे कक्षा १२ को परीक्षा फेरिपनी निर्धारित समयमा हुन नसक्ने देखिएको छ ।
गत चैत २० गतेदेखि काठमाडौ केन्दृत सडक आन्दोलनमा रहेका शिक्षकहरुको समस्या समाधानका लागि सरकार अझै गम्भीर नभएको शिक्षक महासङ्घले आरोप लगाएको छ ।
