वीरगञ्ज, चैत २४// 

चैते दशै अन्तर्गत आज आइतबार नवमीको अवसरमा वीरगञ्ज स्थित प्रसिद्ध गहवामाई मन्दिरको महाआरतिमा हजारौ भक्तजन सहभागी भएका छन् ।

आज बेलुकी ६:३० बजे देखि सुरु हुन भनिएको आरतिमा सहभागी हुनकालागी ६:०० बज्नु अघिदेखी नै भक्तजनको आगमन हुनथालेको देखिएको छ । आजको महाआरतिमा सहभागिता जनाउनका लागि वीरगञ्ज लगायत आसपासका क्षेत्रबाट हजारौंको संख्यामा श्रद्धालुहरु जुटेका छन ।

चैते दशैको अवसरमा हुने रथयात्रालाई मध्यनजर गर्दै महिनौ दिन सजाईएको मन्दिरको दृश्य अत्यन्तै मनमोहक देखिएको छ । असोजमा मनाइने बडादशै जस्तै चैते दशैको पनि ठूलो महत्व रहेको र परम्परा देखि नै चैते दशैमा भगवती दुर्गाको पूजा तथा अनुष्ठान गर्नाले मनोकामना पूर्ण हुने र यश, किर्ती बढ्ने जनविश्वास रहेको छ ।

चैते दशै अन्तर्गत नव दिनदम्म निराहार रहि नवरात्री व्रत वसेका भक्तजनहरुले आजको यस आरती पश्चात् भोलि देखि मात्रै नियमित रुप अन्नग्रहण गर्ने प्रचलन रहेकोले पनि यश आरतिलाई अझै महत्वका साथ देखिएको छ ।

वीरगञ्ज, चैत २०//

चैती छठको अवसरमा वीरगञ्ज बजारमा किनमेल गर्ने श्रद्धालुहरुको चहलपहल बढेको छ ।

वर्षको दुई पटक मनाईने सूर्य उपासनाको व्रत छठ पर्व प्रत्येक वर्षको कार्तिक शुक्ल षष्ठी र चैत शुक्ल षष्ठीको का दिन मनाईने गरिन्छ ।

हिजो नहा खाय को दिन देखि ४ दिन सम्म चल्ने यस वर्षको चैती छठ अन्तर्गत आज दोश्रो दिनलाई भोजपुरिया समुदायमा रसियाव रोटि भन्ने गरिन्छ । आजको दिन व्रतालुहरु दिनभरी उपवास वसि बेलुकी घर आङ्गन लिपपोत गरि आफू पनि चोखो भै खिर र रोटि तथा कतिपयले रसियाव र रोटि बनाई विधि पूर्वक पूजापाठ गरि घरका सबै सदस्यहरुले प्रसाद ग्रहण गर्ने चलन रहेको छ ।

भोलि चैत शुक्ल षष्ठिका दिन दिनभरी निर्जल उपवास बसेका व्रतालुहरु बेलुकी आ आफ्नो पायक पर्ने ताल, पोखरी, नदि वा जलाशयको किनारमा स्थापित प्रतिमालाई विधिवत पुजापाठ गरि अस्ताउदो सूर्यलाई अर्घ दिईने परम्परा रहेको छ । भने चैत शुक्ल सप्तमीको दिन व्रतको चौथोदिन ३ दिन अघि देखि अन्न जल ग्रहण नगरिकन उपवास बसेका व्रतालुहरु विहान सवेरै स्नान गरि चोखो भै मिठाई र प्रसाद सङ्गै नजिकैको जलाशय किनारमा स्थापित प्रतिमाको विधिवत पूजा आराधना गरि उदाउँदो सूर्यलाई अर्घ दिई व्रत समापन हुने गर्दछ ।